Nandurbar News: नंदुरबारमध्ये पाण्यासाठी वणवण, हंडाभर पाण्यासाठी महिलांचा जीवघेणा प्रवास; पाहा VIDEO

नंदुरबार जिल्ह्यातल्या धडगाव तालुक्यातील हेंद्रापाडा येथे पाण्यासाठी महिलांना भटकंती करावी लागत असल्याच विदारक चित्र समोर आले आहे. बिलगाव अंतर्गत येणाऱ्या या हेंद्रापाड्यात हंडाभर पाण्यासाठी येथील महिलांना जीवघेणा प्रवास करुन डोंगर दऱ्यांच्या कपाऱ्यातील झऱ्यातून पाण्याची तहाण भागवावी लागत आहे. आणि हेच हंडाभर पाणी डोक्यावर घेवून ड़ोंगर दऱ्यातून अतिशय निसरड्या रस्तातून या महिला जीवघेणा प्रवास करत आहे. विशेष म्हणजे नर्मदा नदीवरील सरदार सरोवराच्या बॅक वॉटर लगत असलेल्या या गावपाड्यामध्ये प्रशासनाला अद्यापही पाण्याची व्यवस्था करता आली नाही. त्यामुळे धरण उशाशी आणि कोरड घशाशी अशीच परिस्थीती हेंद्रापाड्याची झाली आहे. त्यामुळेच यावर तातडीने उपाय योजना न झाल्यास आंदोलनाचा इशारा बिरसा फायटरच्या वतीने देण्यात आला आहे.