Nanded Rain VIDEO : नांदेडमध्ये पावसाचा कहर, विष्णुपुरी धरण ओव्हरफ्लो; सगळीकडे पाणीच पाणी

मुंबई : नांदेड जिल्ह्यात मागील दोन दिवसापासून सतत पाऊस सुरू आहे. या पावसामुळे जनजीवन विस्कळीत झाल्याचं समोर येतंय. जिल्ह्यातील सर्वच नदी नाल्यांना पूर आला आहे. परभणी, हिंगोली या जिल्ह्यात मोठा पाऊस झाल्याने नांदेडचे विष्णूपुरी धरण तुडुंब भरलेय. धरण भरल्यामुळे विष्णुपुरी धरणाचे बारा दरवाजे उघडण्यात आले आहेत. विष्णुपुरी धरणाच्या पाणलोट क्षेत्रात चांगला पाऊस झालाय. गोदावरी नदी काठोकाठ भरलीय.

विष्णुपुरी धरणामधून गोदावरी नदी पात्रात एक लाख ७० हजार क्यूसेक्स वेगाने गोदावरी नदीपात्रात विसर्ग सुरू आहे. थोड्याच वेळात अजून २ दरवाजे उघडण्यात येणार असल्याची माहिती प्रशासनाने दिली आहे. गोदावरी नदीने धोक्याची पातळी ओलांडली आहे. नदीकाठच्या गावांना सतर्कतेचा इशारा देखील देण्यात आलाय. नांदेडच्या विष्णुपुरी धरणाचे बाराही दरवाजे उघडले. नदीने धोक्याची पातळी ओलांडल्यामुळे संबंधित प्रशासन अलर्ट मोडमध्ये आहे.