Mumbai Local: मुंबईकरांना थंडावा देणारी बातमी, एसी लोकल फेऱ्यांमध्ये वाढ|VIDEO

मुंबईमध्ये मागच्या काही दिवसांपासून मुंबई शहरात धडकलेल्या उष्णतेच्या लाटांमुळे नागरिक हे होरपळून निघाले आहे.त्यामुळे अंगाची लाहीलाही होत आहे. पुढील काही दिवसांत तापमानात पुन्हा वाढ होण्याची शक्यता हवामान विभागाने व्यक्त केली असून उष्णलाटेचा इशारा दिला आहे. यामुळे लोकमधून प्रवास करणाऱ्यांना या वाढत्या उकाड्याचा सामना करावा लागत आहे. मात्र आता मुंबईकरांचा प्रवास हा आता गारेगार होणार असून मध्य रेल्वेनी याबाबत माहिती दिली आहे. 16 एप्रिलपासून मध्यरेल्वे एसी लोकल फेऱ्याची संख्या 66 वरून 80 होणार आहे. यामुळे मध्यरेल्वेने प्रवास करणाऱ्यांना आता थंडावा मिळणार आहे. या निर्णयामुळे मुंबईकरांनी आनंद व्यक्त केला आहे. मात्र, पश्चिम रेल्वेने याबाबत कुठलाही निर्णय अद्याप घेतला नाहीये.