Mumbai Local: लोकल प्रवाशांचे हाल सुरूच, एसी ट्रेनमध्ये शिरताच येईना, बंद दरवाजाची लोकल आणण्याआधी ही कसरत पाहाच...VIDEO

मुंबईमधील सर्वच लोकलचे दरवाजे स्वयंचलित करण्याचा निर्णय रेल्वे प्रशासन एकीकडे घेत असताना दुसरीकडे मात्र डोंबिवली रेल्वे स्थानकात मंगळवारी सकाळी वातानुकूलित लोकलचे दरवाजे गर्दीमुळे बंद होत नसल्याचा प्रकार उघडकीस आला. प्रवाशांच्या गर्दीमुळे 10 मिनिटं दरवाजा बंदच होत नव्हता. मंगळवारची ही स्थिती आजही पहायला मिळाली.

डोंबिवली स्टेशनवर एसी लोकल आल्यावर प्रवाशांची मोठी गर्दी पाहायला मिळाली. या प्रवाशांमुळे एसी लोकलचे दरवाजे बंद होत नव्हते. अखेर प्रवाशांना जबरदस्तीने ढकलण्यासाठी महाराष्ट्र सुरक्षा बलाच्या जवानांना कसरत करावी लागली. मुंब्रा दुर्घटनेनंतर बंद दरवाजाच्या लोकल्स आणण्याचा विचार सरकार करतंय. मात्र बंद दरवाजाच्या लोकलमध्ये गर्दीच्या वेळी काय परिस्थिती असते हे सरकारला कधी कळणार असाच सवाल प्रवासी विचारत आहेत.