नाना पटोलेंवर नोटांचा वर्षाव; व्हिडिओ होतोय प्रचंड व्हायरल, video

भंडाऱ्यात कव्वालीच्या कार्यक्रमात मंचावर बसलेल्या काँग्रेस नेते नाना पटोले यांच्या अंगावर नोटांचा वर्षाव करण्यात आलाय. नोटांचा वर्षाव होणार हा व्हिडिओ आता सोशल मीडियावर प्रचंड व्हायरल होतोय. साकोली येथे बुद्ध पौर्णिमानिमित्त कव्वालीचा कार्यक्रम आयोजित करण्यात आला होता. या कार्यक्रमातील व्हिडिओ असल्याची माहिती समोर येतंय. कव्वालीच्या कार्यक्रमाला नाना पटोले उपस्थित झाले. त्यानंतर थेट मंचावर बसल्यानंतर कव्वाला त्यांच्या बाजूला होते. कव्वाली रंगलेली असताना, कव्वालांवर हा नोटांचा वर्षाव करताना असताना त्यातील काही नोटा नानांच्या अंगावर पडल्याचं या व्हिडिओत दिसून येतं आहे. या व्हिडिओवर अद्याप नाना पटोले यांची अधिकृत प्रतिक्रिया समोर आलेली नाही.