Maharashtra Politics: मनसे-ठाकरेसेनेत युतीच्या गुप्त बैठका; नेमकं पडद्यामागे काय घडतंय पाहा VIDEO

हिंदी सक्तीच्या विरोधात मनसेने येत्या 5 जुलैला विराट मोर्चाचे आयोजन केले आहे. या मोर्चामध्ये समस्त मराठी नागरिकांनी सहभागी व्हावे असे आवाहन मनसेकडून करण्यात आले आहे. या मोर्चामध्ये उद्धव ठाकरे हे देखील सहभागी होण्याची शक्यता आहे. याच पूर्वी दोन्ही पक्षात पडद्यामागे मोठ्या हालचाली घडताना दिसत आहे. मनसे-ठाकरेसेना नेत्यांच्या गुप्त बैठका झाल्याची माहिती सुत्रांनी दिलीय. यामध्ये वरुण सरदेसाई आणि बाळा नांदगावकर यांच्यात दोन ते तीन वेळा तर संदीप देशपांडे आणि वरून सरदेसाई यांच्यात चार वेळा सविस्तर चर्चा झाल्याची माहिती आहेत. दोन्ही पक्षांच्या नेत्यांमध्ये मागील महिनाभरात ‘बॅकडोअर’ डायलॉग सुरू आहेत. विशेष म्हणजे २०१७ मध्ये युतीची सूत्र बाळा नांदगावकर-आणि संदीप देशपांडे यांच्या हाती होती आताही तेच चेहेरे सक्रिय आहे.