Girish Mahajan: भाषणात बाबासाहेब आंबेडकरांचं नाव नाही; मंत्री गिरीश महाजनांनी मागितली माफी

गिरीश महाजनांनी प्रजासत्ताकदिनी बाबासाहेबांचं नाव न घेतल्यानं एका महिला वनकर्मचा-यानं घोषणाबाजी केली. त्यांनी या गोष्टीचा तीव्र निषेध केला. त्यानंतर आता आंबेडकरी संघटनांनीही या प्रकरणात आंदोलनाची भूमिका घेतलीय. तर दुसरीकडं गिरीश महाजनांनी सोशल मिडियावर पोस्ट करत बाजू मांडण्याचा प्रयत्न केलाय. डॉ. बाबासाहेब आंबेडकर होते... म्हणून आपण आहोत ! महामानव भारतरत्न डॉ. बाबासाहेब आंबेडकरांचे विचार जपणे हा भाजपचा संस्कार आहे. आंबेडकरी विचारांचा कार्यकर्ता म्हणून मी स्वतः सलग ४० वर्षांपासून दरवर्षी आंबेडकर जयंतीला ट्रॅक्टर चालवतो, लेझीम खेळतो. आंबेडकरी विचार आमच्या केवळ भाषणात नाही, तर प्रत्यक्ष कृतीतही आहे , गिरीश महाजनांनी म्हटलं आहे. त्यांनी पोस्टमध्ये भाषणाची क्लिपही जोडली आहे.