Marathi Language Controversy: मुंबईत पुन्हा मराठी-हिंदी वाद उफाळला; परप्रांतीय महिलेचा मराठी बोलण्यास नकार, VIDEO

घाटकोपर पूर्वेकडील परिसरात पुन्हा एकदा मराठी आणि हिंदी भाषेचा वाद पेटला आहे. एका उत्तरभारतीय महिलेने मराठी बोलण्यास स्पष्ट नकार दिला आणि मराठी भाषिक नागरिकांना हिंदीत बोलण्यास दमदाटी करताना दिसली. संपूर्ण प्रकाराचा व्हिडीओ स्थानिकांनी मोबाईलमध्ये कैद केला असून, सोशल मीडियावर तो आता व्हायरल होत आहे. या प्रकारामुळे परिसरात तणावाचे वातावरण निर्माण झाले आहे. काही दिवसांपूर्वीच मिरा-भाईंदर परिसरातील एका व्यापाऱ्याने मराठी भाषेला विरोध करत हिंदीचा आग्रह धरला होता. त्या प्रकरणी मनसेने तात्काळ कारवाई करत व्यापाऱ्याला जाब विचारला होता. आता घाटकोपरमधील नव्या प्रकरणामुळे मराठीप्रेमींमध्ये संतापाची लाट पसरली आहे. या आधीही घाटकोपर परिसरात मराठी आणि गुजराती भाषिकांमध्ये तणाव निर्माण झाला होता.