धाराशिव येथे आज मराठा समाजाच्या कार्यकर्त्यांनी थेट जिल्ह्याचे पालकमंत्री प्रताप सरनाईक यांना घेराव घातला. यावेळी मराठा समाजाच्या कार्यकर्त्यांनी तीव्र नाराजी व्यक्त करत पालकमंत्री सरनाईक यांच्यासमोर आपली व्यथा मांडली.
मराठा समाजाच्या कार्यकर्त्यांचा आरोप आहे की, कुणबी जातीचे जात वैधता प्रमाणपत्र देताना संबंधित अधिकाऱ्यांकडून मुद्दाम अडथळा निर्माण केला जात आहे. पुरावे असतानाही मराठा समाजाच्या अर्जदारांना जात वैधता प्रमाणपत्र दिले जात नसल्याचे म्हणणे कार्यकर्त्यांचे आहे. यावेळी प्रताप सरनाईक आणि कार्यकर्त्यांमध्ये शाब्दिक चकमकही झाली. अधिकाऱ्यांना आम्ही स्पष्ट सूचना दिल्या आहेत, पण तरीही ते दुर्लक्ष करत आहेत, असे पालकमंत्री म्हणाले असतानाही कार्यकर्ते आक्रमक झाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.