Manoj jarange: मनोज जरांगेंच्या आंदोलनाला पाठिंबा, लातूर कृषी उत्पन्न बाजार समिती २ दिवस बंद

मनोज जरांगे यांच्या आंदोलनाला पाठिंबा देण्यासाठी आजपासून दोन दिवस लातूर कृषी उत्पन्न बाजार समिती बंद राहणार आहे. आडत असोसिएशन आणि हमाल माथाडी कामगारांनी हा निर्णय घेतला आहे. यामुळे बाजार समितीला मोठा आर्थिक फटका बसण्याची शक्यता आहे. मनोज जरांगे पाटील आंतरवाली सराटीतून सकाळी १० वाजता मुंबईच्या दिशेने रवाना होणार आहेत.

मराठा आरक्षणाच्या मागणीसाठी मुंबई येथे मनोज जरांगे हे आमरण उपोषण करणार आहेत. दरम्यान त्यांच्या आंदोलनाला पाठिंबा देण्यासाठी राज्यभरातील मराठा बांधव मोठ्या संख्येने मुंबईच्या दिशेने आजपासून कुच करत आहे. तर तिकडे लातूर कृषी उत्पन्न बाजार समिती आजपासून दोन दिवस बंद ठेवण्याचा निर्णय, आडत असोसिएशन आणि हमाल माथाडी कामगार संघटनेच्या वतीने घेण्यात आला आहे. जरांगे यांच्या उपोषणाला पाठिंबा देण्यासाठी हा निर्णय घेण्यात आलाय, त्यामुळे मोठा आर्थिक फटका लातूर कृषी उत्पन्न बाजार समितीला बसणार आहे.