Winter Session: ७ डिसेंबरपासून नागपुरात हिवाळी अधिवेशन, प्रशासनाकडून तयारीला सुरूवात

राज्य विधिमंडळाचे हिवाळी अधिवेशन ७ डिसेंबरपासून नागपुरात सुरू होणार आहे. अधिवेशनासाठी २५ नोव्हेंबरपासून अधिकारी-कर्मचाऱ्यांचे नागपुरात आगमन होणार आहे. २७ नोव्हेंबरपर्यंत सर्व तयारी पूर्ण करण्याचे सार्वजनिक बांधकाम विभागाचे उद्दिष्ट आहे. तयारीसाठी एकूण ३८६ कामे निश्चित करण्यात आली आहेत. २२९ कार्यालयीन इमारतींमध्ये तर १५७ निवासस्थानांमध्ये कार्यरत असणार आहेत. पण सुमारे १५० निविदा अद्याप खुल्या झालेल्या नाहीत. अनेक कामांचे कार्यादेशही जारी नसल्याने तयारीवर प्रश्नचिन्ह आहे. काही निविदांना कंत्राटदारांचा प्रतिसाद नसल्याने अडचणी वाढल्या. कार्यादेशापूर्वीच एजन्सी निश्चित झाल्याची चर्चा आहे. सर्व महत्त्वाची कामे सुरू असून २७ नोव्हेंबरपर्यंत पूर्ण होतील, असा पीडब्ल्यूडीचा दावा आहे.