BJP Politics: विधानसभा निवडणुकीसाठी भाजपची रणनिती ठरली; पाहा VIDEO

मुंबई: विधानसभा निवडणुकीसाठी सर्वच राजकीय पक्षांनी मोर्चेबांधणी सुरू केलीय. या निवडणुकीसाठी भाजपची देखील रणनिती ठरल्याचं दिसत आहे. हिंदुत्वाच्या मुद्द्यावर राज्यात भाजप आक्रमक होणार असल्याचं समोर आलंय. लव जिहाद, लँड जिहाद, वोट जिहादच्या मुद्द्यांवर भाजप आक्रमक होणार असल्याची माहिती मिळत आहे. संघ आणि भाजपचे पदाधिकारी मिळून हिंदुंना एकत्र आणण्यासाठी प्रयत्न करणार आहेत. धारावीतल्या अरविंद वैश्य याची हत्या आणि उरणमधील यशश्री शिंदे या तरुणीची हत्या या दोन्ही मुद्द्यावर देखील भाजप अधिक आक्रमक होणार आहेत.

आगामी विधानसभा निवडणुकीसाठी हिंदू मतदारांमध्ये देखील भाजपकडून जनजागृती केली जाणार असल्याची माहिती मिळतेय. मागील काही दिवसांपासून भाजप हिंदुत्वाच्या मुद्द्यावर आक्रमक झाल्याचं दिसत आहे. लोकसभा निवडणुकीत भाजपला मुस्लीम मतदारांची मतं कमी प्रमाणात मिळाली आहेत. त्यामुळे आता विधानसभेसाठी भाजप आणि संघ हिंदुत्वाचा मुद्दा पुढे घेवून जाताना दिसत आहे. उद्या देखील चेंबुरमध्ये नितेश राणे यांच्या नेतृत्वाखाली आंदोलन होणार आहे.