Maratha Reservation :'... म्हणून आरक्षणाचा प्रश्न खितपत पडला,' फडणवीसांवर मनोज जरांगेंचा गंभीर आरोप, पाहा VIDEO

मुंबई : देवेंद्र फडणवीस आमदारांना काम करू देत नाही, असा गंभीर आरोप मनोज जरांगे यांनी केलाय. त्यामुळेच मराठा आरक्षणाचा प्रश्न खितपत पडला आहे, असा आरोप जरांगे यांनी केलाय. त्यामुळेच राजकीय वर्तुळात मोठी खळबळ उडाली आहे. देवेंद्र फडणवीस आरक्षणाच्या प्रश्नावर कोणत्याही मंत्र्याला, आमदाराला काम करू देत नाही. यामध्ये भाजप आमदारांचा देखील समावेश आहे. आता मनोज जरांगे यांनी थेट देवेंद्र फडणवीस यांच्यावर निशाणा साधला आहे, यावर फडणवीसांची भूमिका काय राहणार, हे पाहणं महत्वाचं ठरणार आहे.

फडणवीस साहेब मला राजकारणात जायचं नाही, माझ्या समाजाला देखील जायचं नाही. आमच्या सगळ्या मागण्या मान्य करा. नाही झाल्यास मी राजकारणावर बोलणं सोडणार नाही, असा इशारा त्यांनी देवेंद्र फडणवीस यांना दिलाय. मनोज जरांगे आरक्षणाच्या मुद्द्यावर ठाम आहे. सगेसोयऱ्यांच्या आरक्षणाच्या मागणीसाठी त्यांनी आक्रमक भूमिका घेतलेली आहे. आरक्षण न दिल्यास आगामी निवडणूक लढवण्याचा देखील मनोज जरांगे यांनी निर्धार केलाय.