Mock Drill: कल्याणमध्ये वाजला युद्धाचा सायरन, नेमकं काय घडलं? पाहा व्हिडिओ

युद्धजन्य परिस्थितीत नागरिकांनी आपले संरक्षण कसे करावे व कोणत्या उपाययोजना कराव्यात, याबाबत जनजागृती करण्यासाठी देशभरातील विविध शहरांमध्ये मॉकड्रिल्सचे आयोजन करण्यात येत आहे. त्या अनुषंगाने आज कल्याण पश्चिम येथील यशवंतराव चव्हाण क्रीडांगणावर मॉकड्रिल आयोजित करण्यात आले.

या मॉकड्रिलमध्ये सिव्हिल डिफेन्स, होमगार्ड, अग्निशमन विभाग, कल्याण डोंबिवली महापालिका (KDMC) अधिकारी तसेच TDRF च्या पथकांनी सहभाग घेतला होता. दुपारी चार वाजता सायरन वाजवून मॉकड्रिलची सुरुवात करण्यात आली.

सायरननंतर स्फोट घडल्याचे दर्शवणारे कृत्रिम दृश्य सादर करण्यात आले, त्यानंतर आपत्कालीन सेवा तत्काळ घटनास्थळी दाखल झाल्या. इमारतीत अडकलेल्या नागरिकांची सुटका करण्याचे प्रात्यक्षिक दाखवण्यात आले. ही सगळी कारवाई पाहण्यासाठी परिसरातील नागरिकांनी मोठ्या संख्येने गर्दी केली होती.