Uttar Pradesh : कुत्रा चावल्यामुळे मृत्यू, राज्यस्तरीय कब्बड्डीपटूने गमावला जीव | VIDEO

उत्तर प्रदेशातील बुलंदशहरमध्ये एक धक्कादायक घटना घडली आहे. ब्रजेश सोलंकी या राज्यस्तरीय कबड्डीपटूचा कुत्रा चावल्यामुळे मृत्यू झाल्याची दुर्दैवी घटना समोर आली आहे. ब्रजेश सोलंकीला महिनाभरापूर्वी कुत्र्याचं एक पिल्लू चावलं होतं. मात्र कुत्रा चावल्यानंतर देखील त्याने अँटी रेबीज इंजेक्शन घेतलं नाही. या निष्काळजीपणामुळे त्याच्या प्रकृतीत हळूहळू बिघाड झाला आणि त्याचा दुर्दैवी मृत्यू झाला आहे. ब्रजेशचा मृत्यू होण्यापूर्वीचा एक व्हिडीओ समोर आला असून, त्यात त्याची तब्येत ढासाळलेली स्पष्टपणे दिसत आहे.

आरोग्य तज्ज्ञांनी वेळोवेळी कुत्रा चावल्यास तातडीने अँटी रेबीज इंजेक्शन घेण्याचं महत्व सांगितलं आहे. मात्र, अजूनही अनेकजण या गंभीर आजाराबाबत दुर्लक्ष करत असल्यामुळे अशा दुर्दैवी घटना घडत असल्याचं चित्र आहे.