ICC Action on Cricketers : आशिया कप वादानंतर आयसीसीची मोठी कारवाई, हॅरिस रौफवर २ सामन्यांची बंदी, सूर्यकुमार-बुमराहला दंड! | VIDEO

क्रिकेट विश्वातून एक मोठी बातमी समोर आली आहे. आशिया कप २०२५ मधील भारत-पाकिस्तान सामन्यांमधील वादग्रस्त घटनांनंतर, आयसीसीने अखेर आपला निर्णय जाहीर केला आहे. या निर्णयात पाकिस्तानी वेगवान गोलंदाज हॅरिस रौफ, भारतीय कर्णधार सूर्यकुमार यादव आणि वेगवान गोलंदाज जसप्रीत बुमराह यांच्यावर कारवाई करण्यात आली आहे. आयसीसीने पाकिस्तानी खेळाडू हॅरिस रौफला दोन सामन्यांसाठी निलंबित केले आहे, तर भारतीय कर्णधार सूर्यकुमार यादवला त्याच्या सामन्याच्या मानधनाच्या ३० टक्के दंड ठोठावला आहे. याशिवाय जसप्रीत बुमराहवरही एका डिमेरिट पॉईंटची कारवाई करण्यात आली. या कठोर निर्णयामुळे क्रिकेट विश्वात खळबळ उडाली असून, खेळाडूंच्या मैदानातील वर्तनाचा मुद्दा पुन्हा एकदा ऐरणीवर आला आहे.