Rain News : लातूर, वर्धा जिल्ह्यांना मुसळधार पावसाने झोडपलं, पाहा VIDEO

मुंबई : लातूर, वर्धा जिल्ह्यातल्या अनेक भागात पावसाने हजेरी लावलेली आहे. लातूर जिल्ह्यात कालपासून ढगाळ वातावरण आहे, तर पावसामुळे औसा तालुक्यातील उजनी परिसरात जनजीवन विस्कळीत झालंय.दरम्यान या पावसामुळे उजनी , एकंबी तांडा उजनी-मासुर्डी या गावांना जोडणारा रस्ता ओढ्याला पूर आल्याने काही काळ बंद झाला होता. वर्धा जिल्ह्यात सकाळपासून विजाच्या कडकडाटासह पाऊस सुरू आहे. जिल्ह्याच्या सर्वच भागात जोरदार पाऊस सुरू आहे.

वर्धा जिल्ह्यात रात्री पावसाची रिपरिप तर सकाळपासून पावसाची जोरदार बॅटिंग सुरू होती. हवामान विभागाने आजपासून तीन दिवस जोरदार पावसाचा इशारा दिला आहे. पावसाचा अनेक शेतकऱ्यांना फायदा होतोय, तर सोयाबीन उत्पादक शेतकऱ्यांना नुकसान होणार असल्याची माहिती मिळतेय. वायफड गावात ढगफुटीसदृश्य पाऊस झालाय. रस्त्यावरून पाणी वाहत असल्याने पुरसदृश स्थिती निर्माण झाली होती. मुसळधार पावसामुळे नागरिकही भयभीत झाले आहेत.