बोगस आणि तोतया मतदारांवर थेट गुन्हा दाखल होणार! राज्य निवडणूक आयुक्त दिनेश वाघमारे यांचा कडक इशारा|VIDEO

महापालिका निवडणूक आज राज्यभर पार पडत असून यामध्ये सुरुवातीलाच मोठा गोंधळ निर्माण झाला. मतदान केल्यानंतर अनेकांनी त्यांच्या बोटावरची शाई पुसली जात असल्याची तक्रार केली. त्यावर आता निवडणूक आयोगाने स्पष्टीकरण दिले आहे. शाई पुसण्याचा प्रयत्न करून मतदारांमध्ये संभ्रम निर्माण करून करण्याचा प्रयत्न करणे हे गैरकृत्य असल्याचे निवडणूक आयोगाने म्हटले. तसेच बोटावरची शाई पुसून एखादी व्यक्ती पुन्हा मतदान करण्याससाठी आल्याचे आढळल्यास त्यावर योग्य ती कायदेशीर कार्यवाही केली जाईल असे निवडणूक आयोगाने सांगितले. तसेच बोगस आणि तोतया मतदार आढळल्यास त्याच्यावर गुन्हा दाखल केला जाईल असे राज्य निवडणूक आयोगाचे प्रमुख दिनेश वाघमारे यांनी स्पष्ट केले आहे.