Exhibition VIDEO: चित्रकार Nandini Verma यांच्या चित्रांचे जहांगीर आर्ट गॅलरी येथे प्रदर्शन

चित्रकार नंदिनी वर्मा यांनी जीवनधाराच्या आधारावर ॲक्रीलिक रंगाच्या साहाय्याने कॅन्व्हासवर चित्र रेखाटले आहेत. याचे आज जहांगिर आर्ट येथे प्रदर्शन भरविण्यात आले आहे. आज त्याची सुरुवात झाली असून येत्या ७ जुलैपर्यंत हे प्रदर्शन रसिकांना पाहता येणार आहे. डॅा. विवेक द्विवेदी आणि राजेंद्र पाटील यांनी प्रदर्शनाला प्रमुख उपस्थिती लावली. यात मानवांचे विविध भावना आणि जीवनातील काही क्षण रंगांच्या माध्यमातून चित्र स्वरुपात उतरविण्यात आले आहे. याशिवाय छत्तीसगड येथील आदिवासी लग्न संस्कृतीची झलक देखील या चित्रांमध्ये पाहायला मिळते. आज जवळपास ७७ चित्रांचे प्रदर्शन भरविण्यात आले असून यात शक्ती महिलांमधील एकता आणि त्यांच्यातील आत्मविश्वास दर्शविणारे चित्र हे आकर्षणाचा केंद्रबिंदू ठरले आहे.