Monsoon News: कोकणात मान्सूनची हजेरी, हापूस आंबा आणि काजू पिकांंना फटका, शेतकऱ्यांमध्ये चिंतेचे वातावरण|VIDEO

कोकणातील देवगडमध्ये मान्सूनने हजेरी लावली आहे. सिंधुदुर्ग जिल्ह्यातील देवगड आणि वैभववाडी या भागांमध्ये जोरदार पावसाची नोंद झाली असून गुरुवारी मध्यरात्रीपासून मुसळधार पाऊस सुरू आहे. ज्यामुळे शेतकऱ्यांमध्ये चिंतेचे वातावरण निर्माण झाले आहे. या पावसामुळे हापूस आंबा आणि काजू या पिकांवर प्रतिकूल परिणाम होण्याची शक्यता आहे.

नैऋत्य मोसमी पाऊस अर्थात मान्सूनचे नियोजित वेळेपेक्षा आठवडाभर आधीच आगमन झाले असून शुक्रवारी तो केरळमध्ये दाखल झाला आहे. 2009 नंतर प्रथमच मान्सून लवकर आला आहे. यावर्षी 23 मे रोजीच या पावसाने केरळमध्ये हजेरी लावली होती. दरवर्षी 1 जून रोजी मोसमी पाऊस केरळमध्ये दाखल होत असतो. मात्र यावेळी तो लवकर आला आहे.