पठ्याने चक्क पेट्रोलसाठी आणली 500 लिटरची टाकी, पाहा VIDEO

जळगाव जिल्ह्यातील मुक्ताईनगर तालुक्यात एक धक्कादायक प्रकार समोर आला आहे. हरताळ फाटा परिसरातील एका पेट्रोल पंपावर चक्क पाण्याच्या टाकीत डिझेल भरताना आढळल्याचा व्हिडिओ सध्या सोशल मीडियावर मोठ्या प्रमाणात व्हायरल होत आहे. व्हिडिओमध्ये सुमारे ५०० लिटर डिझेल पाण्याच्या टाकीत भरले जात असल्याचे दिसत आहे. या घटनेमुळे संबंधित पेट्रोल पंपावर नियमबाह्य साठेबाजी केली जात असल्याची शक्यता व्यक्त केली जात आहे. आखाती देशात सुरू असलेल्या युद्धामुळे एकीकडे पेट्रोल-डिझेलसाठी ग्राहकांना रांगा लावाव्या लागत असताना, दुसरीकडे मोठ्या प्रमाणात डिझेल वेगळ्या टाकीत साठवले जात असल्याचा आरोप होत असल्याने नागरिकांमध्ये संतापाचे वातावरण निर्माण झाले आहे. दरम्यान, या प्रकरणाची संबंधित प्रशासनाने चौकशी करावी आणि दोषींवर कठोर कारवाई करावी अशी मागणी स्थानिकांकडून केली जात आहे.