धुळे-सोलापूर महामार्गावर भीषण अपघात! ट्रॅव्हल्स बस पलटी, 6 प्रवासी जखमी

संजय महाजन, साम टीव्ही

जळगाव: पाचोऱ्याकडून गुजरातकडे जाणाऱ्या एका खाजगी ट्रॅव्हल्सचा जळगाव जिल्ह्यातील चाळीसगाव येथे भीषण अपघात झाला. चालकाचे वाहनावरील नियंत्रण सुटल्याने ही ट्रॅव्हल्स थेट रस्त्याच्या कडेला पलटी झाली. हा अपघात धुळे-सोलापूर राष्ट्रीय महामार्गालगत असलेल्या गायरान फाट्याजवळ घडला. अपघातावेळी ट्रॅव्हल्समध्ये एकूण २२ प्रवासी प्रवास करत होते. त्यापैकी सहा जण जखमी झाले असून त्यांना तत्काळ उपचारासाठी रुग्णालयात दाखल करण्यात आले आहे. अपघातानंतर परिसरातील तरुणांनी धाव घेत जखमी प्रवाशांना बाहेर काढले आणि त्यांना तातडीने रुग्णालयात पोहोचवले. स्थानिकांच्या या मदतीमुळे मोठा अनर्थ टळला. दरम्यान, सर्व प्रवाशांना सुरक्षितपणे बाहेर काढण्यात यश आले असून सुदैवाने या अपघातात कोणतीही जीवितहानी झाली नाही.