Devendra Fadnavis : विनाकारण शोबाजी बंद झाली पाहिजे, दीनानाथ मंगेशकर रुग्णालयाच्या आंदोलनावर देवेंद्र फडणवीस यांचे वक्तव्य, VIDEO

पुणे येथील दीनानाथ मंगेशकर रुग्णालयात झालेल्या प्रकारानंतर संपूर्ण राज्यात संतापाची लाट पसरली. यानंतर काल दिवसभर रुग्णालयाबाहेर सर्वपक्षीय नेत्यांनी आंदोलने करून झालेल्या घटनेचा निषेध व्यक्त केला. या घटनेच्या पार्श्वभूमीवर मुख्यमंत्री देवेंद्र फडणवीस यांनी आज तनिषा भिसे कुटुंबाची भेट घेतली.दीनानाथ मंगेशकर रुग्णालायातील दोषींवर कडक कारवाई केली जाईल, असे आश्वासन मुख्यमंत्र्यांनी दिले.तसेच जो पर्यंत मी नेमलेल्या समितीचा अहवाल येत नाही, तोपर्यंत या प्रकरणावर बोलणे योग्य ठरणार नाही.मात्र, रुग्णालयाबाहेर आंदोलने करणे योग्य नाही.सरकारने या घटनेची दखल घेतली आहे.दोषींवर कायदेशीर कारवाई केली जाईल.पण शोबाजी बंद झाली पाहिजे. घैसास यांच्या रुग्णालयाची झालेली तोडफोड समर्थनीय नाही. त्यामध्ये भाजपची महिला आघाडी सहभागी असेल तरी हे कृत्य चुकीचे असल्याचे देवेंद्र फडणवीस म्हणाले.