Rahul Gandhi May Participate Wari : राहुल गांधी वारीत सहभागी होणार, काँग्रेस आमदाराने तारीखच सांगितली

मुंबई : विरोधी पक्षनेते राहुल गांधी आणि शरद पवार यांची काल भेट झाली. विरोधी पक्षनेते राहुल गांधी यांना पंढरपूरच्या वारीत सहभागी होण्याचं निमंत्रण देण्यात आलं आहे. त्यानंतर निमंत्रण स्वीकारत राहुल गांधी वारीत सहभागी होणार आहेत. राहुल गांधी १४ जुलै रोजी वारीत सहभागी होणार आहे, अशी माहिती काँग्रेसचे आमदार संजय जगताप यांनी दिली आहे.

काँग्रेसचे नेते राहुल गांधी यांना आषाढी वारीचं निमंत्रण शरद पवारांनी दिलं होतं. यावेळी खासदार प्रणिती शिंदे, खासदार धैर्यशील मोहिते उपस्थित होते. या भेटीनंतर लवकर आपल्याला कळवतो, असं राहुल गांधींनी कळवलं होतं.