आता काय म्हणायचं! मतदार यादीतून उमेदवार आणि कुटुंबाच्या सदस्यांचं नावच गायब|VIDEO

छत्रपती संभाजीनगर महापालिकेनं प्रसिद्ध केलेल्या मतदार याद्यांमध्ये मोठा घोळ झाल्याचे समोर आले आहे. यादीत सुमारे 58 हजार दुबार मतदार असून, अनेक मतदारांची नावे एका प्रभागातून दुसऱ्या प्रभागात टाकण्यात आली आहेत. यावर एका उमेदवाराने आक्षेप घेत, 'स्वतः उमेदवाराचे आणि माझे भाऊ आणि माझ्या घरच्या चे नावं आमच्या स्वतःच्या प्रभागामध्ये नाहीये. ही कुठेतरी लोकशाहीला घाला घालण्याचं काम आहे, अशी संतप्त प्रतिक्रिया दिली आहे. 29 प्रभागांमधील नागरिकांनी यावर तक्रारी केल्या असून आतापर्यंत 800 जणांनी आक्षेप नोंदवले आहेत. मतदार यादीतील या त्रुटी दूर करण्यासाठी नागरिक निवडणूक विभागात गर्दी करत आहेत. या गोंधळामुळे निवडणुका निष्पक्ष होतील का, असा प्रश्न उमेदवार आणि मतदार विचारत आहेत.