Buldhana : ऑगस्टमध्ये नुकसान करणारा पाऊस, 'भेंडवळ'च्या घटमांडणीत वर्तवले धक्कादायक अंदाज | VIDEO

buldhana Bhendwal prediction 2025 : साडेतीनशे वर्षांची परंपरा कायम ठेवत भेंडवळ येथे घटमांडणीच्या भाकितात यंदा पिकांची परिस्थिती सर्वसाधारण राहील, असे वर्तवण्यात आले. कापूस पिकावर रोगराई जास्त असेल, तर गहू, हरबरा, उडीद, मूग, ज्वारी, तूर ही पिके साधारण येतील. शेतमालाला भाव मिळणार नसून, मंदीचे वातावरण राहील. पाऊस जूनमध्ये साधारण, जुलै व सप्टेंबरमध्ये भरपूर, तर ऑगस्टमध्ये नुकसानकारक असेल. देशात पूर, भूकंप, युद्धजन्य आपत्तींचे प्रमाण वाढेल. पावसाळा चांगला राहील, परंतु अनिश्चिततेमुळे शेतकऱ्यांनी सावध नियोजन करावे, असे पुंजाजी महाराज यांनी सांगितले.

भेंडवळ येथील भाकितानुसार, यंदा पावसाची स्थिती सर्वसाधारण राहील, परंतु त्यात अनिश्चितता जास्त असेल. पिकांच्या वाढीसाठी आवश्यक पाऊस हा देखील सर्वसाधारण पातळीवर राहील, परंतु त्यात अनिश्चितता जास्त असेल.