Ladki Bahin Yojana : 'लाडकी'च्या नावाखाली भाजपची सदस्य नोंदणी; स्थानिक महिलांचा आरोप, कुठे घडला प्रकार? VIDEO

संजय सूर्यवंशी, साम टीव्ही

भाजपची सदस्य नोंदणी वाढवण्यासाठी नवीन फंडा शोधून काढला आहे. 2100 रुपये खात्यात जमा होणार म्हणून भाजपचे सदस्य बनवले जात आहेत. नांदेड शहरातील सांगवी भागात हा प्रकार घडला आहे. असा गंभीर आरोप स्थानिक महिलांनी केला आहे.

राज्यात भाजपसह महायुती सत्तेत आली. सतेत येण्यासाठी लाडक्या बहिणींचा मोठा सहारा महाविकास आघाडीला मिळाला. आगामी स्थानिक स्वराज्य संस्थांच्या निवडणुका डोळ्यांसमोर ठेवून भाजपने राज्यभरात सदस्य नोंदणी अभियान राबविण्यास सुरुवात केली. आज सदस्य नोंदणीचा शेवटचा दिवस असल्याने नांदेड शहरासह जिल्ह्यात भाजपाने मोठे कॅम्प लावून सदस्य नोंदणी अभियान राबविले. परंतु सदस्य नोंदणी वाढवण्यासाठी भाजपने एक शक्कल लढवली.

लाडक्या बहिणीला 2100 रुपय येणार, असे सांगून भाजपा लाडक्या बहिणींची सदस्य नोंदणी करून घेतल्याचा प्रकार नांदेडमध्ये समोर आला आहे. नांदेड शहरातील सांगवी भागात भाजपाने सदस्य नोंदणी कॅम्प लावले होते. या ठिकाणी 2100 रुपये येणार या आशेवर लाडक्या बहिणींची भाजप सदस्य नोंदणी कॅम्पवर मोठी गर्दी केली. भाजपाने सदस्य नोंदणी वाढवण्यासाठी असाही फंडा राबवला, अशी चर्चा परिसरात पसरली आहे .