Ladki Bahin Yojana : लाडक्या बहिणीला २,१०० रुपये कधी मिळणार? फडणवीस सरकारमधील मंत्र्याचं सूचक विधान

Ladki Bahin Yojana : महायुती सरकारने लाडक्या बहिणींना दर महिन्याला २,१०० रुपये दिले जाणार असल्याची घोषणा केली होती. या घोषणेची अंमलबजावणी कधी होईल असा प्रश्न महिलांना पडला आहे.
Ladki Bahin Yojana
Ladki Bahin YojanaSaam Tv
Published On

सचिन बनसोडे (साम टीव्ही)

Ladki Bahin Yojana : विधानसभा निवडणुकांच्या वेळी महायुती सरकारने मुख्यमंत्री माझी लाडकी बहीण योजनेसंबंधित नवी माहिती जाहीर केली. आता महिलांना दर महिन्याला २,१०० रुपये दिली जातील अशी घोषणा शासनाद्वारे करण्यात आली. निवडणुका होऊन सत्तास्थापना देखील झाली, तरीही रक्कमेसंदर्भातील निर्णयाची अंमलबजावणी न झाल्याने महिला चिंतातूर झाल्या आहे. दरम्यान या प्रकरणावर राज्याचे जलसंपदा मंत्री राधाकृष्ण विखे पाटील यांनी महत्त्वपूर्ण विधान केले आहे.

नेवासा येथे आमदार विठ्ठलराव लंघे यांनी सत्कार सोहळ्याचे आयोजन केले होते. या कार्यक्रमामध्ये राधाकृष्ण विखे पाटील यांनी माध्यमांशी संवाद साधला. त्यावेळी त्यांनी लाडकी बहीण योजनेबाबत मोठे वक्तव्य केले. त्यांनी "मार्च महिन्यानंतर लाडक्या बहिणींचा हफ्ता ₹१,५०० वरुन ₹२,१०० होणार आहे. अर्थ संकल्पीय अधिवेशनानंतर लाडक्या बहिणींना २,१०० रुपये मिळणार आहेत", असे म्हणत योजनेबाबत मोठी अपडेट दिली.

महायुती सरकारने विधानसभा निवडणुकांपूर्वी मुख्यमंत्री माझी लाडकी बहीण योजनेची घोषणा केली होती. निवडणुका होण्यापूर्वीच महिलांना याचा लाभ देण्यात आला. निवडणुकांच्या दरम्यान सरकारने लाडकी बहीण योजनेच्या मानधनात वाढ करण्याबाबत घोषणा केली. महिलांना १,५०० च्या जागी २,१०० रुपये देण्यात येतील असे आश्वासन शासनाकडून देण्यात आले.

Ladki Bahin Yojana
Ladki Bahin Yojana : 'लाडकी'च्या नावाखाली भाजपची सदस्य नोंदणी; स्थानिक महिलांचा आरोप, कुठे घडला प्रकार? VIDEO

मुख्यमंत्री लाडकी बहीण योजना ही महाराष्ट्रात प्रचंड गाजली. विधानसभेला मिळालेल्या यशाचे श्रेय महायुती सरकार लाडकी बहीण योजनेला देत आहे. ३ मार्च २०२५ रोजी राज्यात अर्थसंकल्पीय अधिवेशन सुरु होणार आहे. यंदाच्या अर्थसंकल्पामध्ये लाडकी बहीण योजनेचा समावेश असेल असे म्हटले जात आहे.

Ladki Bahin Yojana
Ladki Bahin Yojana: केवळ १० हजारांत सुरु करू शकता 'हा' बिझनेस; लाडक्या बहिणीचे पैसे गुंतवण्यासाठी उत्तम पर्याय

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com