गाडी चालवताना अचानक हँडलमधून आवाज, पाहिलं तर आत लपलं होतं अजगराचं पिल्लू, पाहा थरारक VIDEO

भुसावळ : भुसावळ शहरात घडलेल्या एका अनोख्या घटनेने नागरिकांना चांगलीच धडकी भरली. शहरातील रहिवासी विनोद पाटील यांच्या दुचाकीत अचानक अजगराचे लहान पिल्लू आढळून आले. मिळालेल्या माहितीनुसार, पाटील हे आपल्या गाडीवरून जात असताना अचानक गाडीच्या हँडल भागातून विचित्र आवाज आल्याने त्यांनी तातडीने थांबून पाहणी केली. त्यावेळी हँडलच्या आत अजगराचे पिल्लू लपलेले असल्याचे दिसून आले. तातडीने सर्पमित्रांना बोलावण्यात आले. त्यांच्या मदतीने हे अजगराचे पिल्लू सुरक्षितरित्या दुचाकीतून बाहेर काढण्यात आले. या प्रकारामुळे पाटील यांचा जीव अक्षरशः भांड्यात पडला होता. अचानक गाडीतून साप निघाल्याची घटना परिसरात चर्चेचा विषय ठरली असून, लोकांनी सुटकेचा निश्वास सोडला आहे.