Gopichand Padalkar: बीडच्या कारागृहामध्ये बायबलचे श्लोक, धर्मांतरासाठी लाखो रुपयांचे आमिष; गोपीचंद पडळकरांचा खळबळजनक आरोप|VIDEO

भाजपचे आमदार गोपीचंद पडळकर यांनी पुन्हा एकदा ख्रिश्चन धर्मांतराचा मुद्दा उपस्थित केला आहे. यावेळी त्यांनी बीड कारागृहात धर्मांतराचे काम चालते असा धक्कादायक आरोप केला आहे.गोपीचंद पडळकर म्हणाले की, बीडचे जे तुरुंग अधिकारी आहेत ते तिकडे धर्मांतराचं काम करत आहेत. तिकडे छत्रपती शिवाजी महाराज आणि गणपतीची मूर्ती होती, ती काढून टाकली आहे.

बाबासाहेब आंबेडकरांचा फोटो, महात्मा गांधींचा फोटो काढून टाकलेला आहे. ते सर्व फोटो एका खोलीत टाकलेले आहेत. जेलमध्ये सगळे बायबलमधील श्लोक लिहिले जातात. कैदीमध्ये भजन, कीर्तन करायचे, ते सगळे बंद करून टाकले आहेत. तसेच त्या अधिकाऱ्याला भेटायला एक पादरी तेथे येतो. कैदयानो तुम्ही धर्मातरण करा तुम्हाला लाखो रुपये देतो अशी भूमिका जेल अधिकारी घेत आहेत. या सर्व प्रकाराची माहिती मुख्यमंत्री देवेंद्र फडणवीसांनी दिली असून त्याची चौकशी करावी आणि तुरुंग अधिकाऱ्याला बडतर्फ करावे अशी मागणी गोपीचंद पडळकर यांनी केली आहे.