Pune Monsoon: बारामती आणि इंदापूरमध्ये मुसळधार पाऊस; ऊस पिकांचे मोठे नुकसान|VIDEO

यंदा मान्सून 12 दिवसाआधीच दाखल झाल्याने महाराष्ट्रातील सातारा, कोल्हापूर, पुणे या जिल्ह्याला पहिल्याच पावसाने झोडपून काढले आहे. काल पासून पुणे शहरासह जिल्ह्यातील बारामती आणि इंदापूर तालुक्यात पावसाची बॅंटीग सुरू आहे. दरम्यान पावसामुळे नागरिकांची तारांबळ उडाली आहे. पुण्यातील संसर आणि हिंगणेवाडी येथे देखील दमदार पाऊस झाला आहे. त्याचा फटका हा शेतातील ऊस पिकाला बसला आहे.

संपूर्ण शेतात पाणी शिरल्याने शेतीमध्ये तळ साचले असून शेत पिकाचे मोठ्या प्रमाणात नुकसान झाले आहे. यामुळे शेतकरी हा संकटात सापडला आहे.

बारामतीमध्ये देखील नीरा कालवा धरण फुटल्याने बारामती शहरात पूरसदृश परिस्थिति निर्माण झाली आहे. याच पार्श्वभूमीवर काल उपमुख्यमंत्री अजित पवार हे दिल्लीहून परतले आणि आज बारामती येथे जाऊन पूरसदृश्य परिस्थिति निर्माण झाली आहे.