Black And White : उद्धव ठाकरे बिनविरोध आमदार, त्यांनी राजीनामा द्यावा, आशिष शेलारांचं प्रत्युत्तर

Ashish Shelar on Black AND White : महापालिका निवडणुकीत महायुतीचे ६८ नगरसेवक बिनविरोध निवडून आले. त्यानंतर विरोधकांकडून गंभीर आरोप करण्यात आले. १० कोटी रूपये दिल्याचा दाखला संजय राऊतांपासून मनसेच्या अविनाश जाधव यांनी दिला. उद्धव ठाकरेंनीही बिनविरोध निवडणुकीवर टोला जहरी टीका केली होती. त्यावर भाजप नेते आशिष शेलार यांनी प्रत्युत्तर दिलेय. उद्धव ठाकरे बिनविरोध आमदार आहेत, त्यांनीही राजीनामा द्यावा असे आशिष शेलार म्हणाले. साम टीव्हीच्या ब्लॅक अॅण्ड व्हाईट क्रार्यक्रमात त्यांनी विरोधकांना खडेबोल सुनावले. आशिष शेलार यांनी राज्यातील निवडणुका, सत्ताधारी आणि विरोधकांमधील आरोप–प्रत्यारोप, राज्यातील सध्याची राजकीय स्थिती आणि महत्त्वाच्या मुद्द्यांवर भूमिका मांडली.

अर्जाची छाननी, चिन्हे देणे, अर्ज माघारी घेणे... ही सर्व कायदेशीर प्रक्रिया आहे. यापेक्षा काही वेगळे झाले असेल तर कोर्ट आहे. पण हे काही करायचे नाही, दाबून खोटं बोलायचं. बिनविरोध म्हणजे लोकशाहीला धोका असे खोटे बोलयचे.

१४ मे २०२० रोजी उद्धव ठाकरे कोणत्याही सभागृहाचे सदस्य नव्हतात. पण ते बिनविरोध निवडून गेले. स्वत: निवडून आले तेव्हा लोकशाही धोक्यात नाही. पण नगरसेवक निवडून आल्यावर चालत नाही. उद्धव ठाकरेंनी आमदारकीचा राजीनामा द्यावा, असे शेलार म्हणाले.