ठाकरे घराण्याचा नवा राजकीय प्रयोग, आदित्य-अमित ठाकरे मुंबईत एकत्र; प्रचाराची सूत्रं नव्या पिढीच्या हाती|VIDEO

मुंबई महापालिका निवडणुकीच्या पार्श्वभूमीवर आदित्य ठाकरे आणि अमित ठाकरे यांच्याकडे प्रचाराची महत्त्वाची जबाबदारी सोपवण्यात आली आहे. ठाकरे घराण्याची ही नवी पिढी आता एकत्र येऊन निवडणुकीच्या प्रचाराची दिशा ठरवणार आहे. मिळालेल्या माहितीनुसार, उद्या किंवा परवा आदित्य आणि अमित ठाकरेंची बैठक होणार आहे. ज्यामध्ये प्रचाराचे सूत्र निश्चित केले जाईल. दोन्ही युवा नेत्यांच्या एकत्र येण्याने मुंबईतील राजकीय समीकरणांवर मोठा परिणाम होण्याची शक्यता आहे. या घडामोडींमुळे शिवसैनिक आणि मनसैनिकांमध्ये उत्साहाचे वातावरण निर्माण झाले आहे.