शालेय पोषण आहारात १८०० कोटींचा घोटाळा, हिवाळी अधिवेशनात गंभीर आरोप

School Nutrition Scam Allegation : राज्यातील शालेय पोषण आहारात मोठा घोटाळा झाल्याचा आरोप ठाकरेंच्या शिवसेनेचे आमदार कैलास पाटील यांनी केला आहे. हिवाळी अधिवेशनात बोलताना पाटील यांनी शालेय पोषण आहारात घोटाळा झाल्याचा आरोप केला. मुलांना दिला जाणाऱ्या पोषण आहारातच भ्रष्टाचार झाल्याचा आरोप करण्यात आल्याने खळबळ उडाली आहे. ₹1800 crore nutrition meal scheme irregularities

शालेय पोषण आहारात सुमारे १८०० कोटी रुपयांच्या या योजनेत अनियमितता झाल्याचा आरोप आहे. टेंडरमध्ये हिरवा वाटाणा नमूद असताना प्रत्यक्षात पांढरा वाटाणा पुरवण्यात आल्याचे सांगण्यात आले आहे. या प्रकरणाची मुख्यमंत्र्यांनी चौकशी करावी आणि दोषींवर कठोर कारवाई करावी, अशी मागणी पाटील यांनी केली आहे. विद्यार्थ्यांच्या आहाराशी संबंधित या गंभीर प्रकारावर आता सरकार काय भूमिका घेणार, याकडे सर्वांचे लक्ष लागले आहे.