World cup : इब्राहिमची विक्रमी खेळी; ऑस्ट्रेलियाच्या संघासमोर २९२ धावांचं लक्ष्य

World Cup 2023:

आज मुंबईच्या वानखेडे स्टेडिअमवर ऑस्ट्रेलिया आणि अफगाणिस्तानच्या क्रिकेट संघात सामना होत आहे. नाणेफेक जिंकल्यानंतर अफगाणिस्तानचा कर्णधार हशमतुल्लाह शाहिदीने फलंदाजी करण्याचा निर्णय घेतला. क्रिकेटच्या जगात सगळ्यात बलवान संघ मानल्या जाणाऱ्या ऑस्ट्रेलिया संघासमोर अफगाणच्या पठाणांनी संयमी खेळी करत २९१ धावा केल्या. आता ऑस्ट्रेलियालाला निर्धारित ५० षटकात २९२ धावा करायच्या आहेत. विशेष म्हणजे ऑस्ट्रेलियाच्या संघाने वर्ल्ड कपच्या इतिहासात इतक्या मोठ्या धावसंख्येचं आव्हान पार केलं नाहीये. (Latest News)

प्रथम फलंदाजी करताना आफगाणिस्तानच्या संघाने सतर्क खेळी केली. मात्र रहमानुल्लाह गुरबाज २१ धावा करून बाद झाला. जोश हेजलवुडने त्याला बाद केलं. परंतु जादरानने कर्णधार हशमतुल्ला शाहिदीचा निर्णय योग्य ठरवत फलंदाजीला अनुकूल खेळपट्टीवर दमदार खेळ दाखवत नाबाद राहत मोठी धावसंख्या उभारण्यात मोठी भूमिका निभावली. जादरानने आपल्या कारकीर्दमधील पाचवं शतक झळकावलं. वर्ल्ड कपमध्ये शतक झळकावणारा अफगाणिस्तानचा पहिला खेळाडू तो ठरला. याशिवाय ऑस्ट्रेलियाविरुद्ध शतक झळकावणारा तो आफगाणिस्तानचा पहिला फलंदाज ठरलाय.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान जादरान आणि रहमत शाह यांनी दुसऱ्या विकेटसाठी १०० चेंडूमध्ये ८३ धावांची भागीदारी केली. मधल्या षटकांमध्ये अजमतुल्ला उमरझाईने १८ चेंडूत दोन षटकार आणि एक चौकारासह २२ धावांची खेळी केली. ऑस्ट्रेलियाचा डावखुरा फिरकी गोलंदाज अॅडम झाम्पा याने बाद केलं. आफगाणिस्तानच्या संघाने अखेरच्या पाच षटकांत ६४ धावा जोडत ऑस्ट्रेलियाच्या संघासमोर मोठी धावसंख्या उभी केली.

राशिद खानने डेथ ओव्हर्समध्ये शानदार फलंदाजी करत १८ चेंडूत नाबाद ३५ धावा केल्या. ऑस्ट्रेलियाच्या संघात बदल करण्यात आले आहेत. स्टीव स्थिम हा जखमी झाल्यामुळे संघाबाहेर गेलाय. तर कॅमरन ग्रीनच्या जागेवर ग्लेन मॅक्सवेलला खेळवण्यात आले आहे. तर अफगाणिस्तानच्या संघात फजलहलक फारुकीच्या जागेवर नवीनुल हकला खेळण्यासी संधी मिळालीय.