आयपीएलचा 18वा सिझन सुरू झाला आहे. स्पर्धेतील पहिला सामना KKR आणि RCB यांच्यात खेळवला गेला. या ज्यामध्ये रजत पाटीदारच्या टीमने 7 विकेट्स राखून विजय मिळवला. आता चाहते मेगा स्पर्धेच्या तिसऱ्या सामन्याची आतुरतेने वाट पाहतायत. ज्यामध्ये चेन्नई सुपर किंग्ज आणि मुंबई इंडियन्स या टीम्स एकमेकांसमोर येणार आहेत. हा सामना 23 मार्च रोजी चेपॉकमध्ये संध्याकाळी 7.30 वाजता खेळवला जाणार आहे.
दरम्यान या सामन्यात मुंबई इंडियन्ससाठी रोहित शर्मासोबत कोण खेळाडू ओपनिंग करणार याबाबच चाहते उत्सुक आहेत. गेल्या सिझनमध्ये इशान किशन हा रोहितचा ओपनिंगचा जोडीदार होता. मात्र आता तो मुंबई इंडियन्सच्या टीमचा भाग नाही. अशा स्थितीत यावेळी हिटमॅनचा नवा ओपनर पार्टनर कोण असणार ते पाहूयात. यावेळी ३ खेळाडूंच्या नावाची चर्चा आहे जे रोहितसोबत ओपनिंग करणार आहेत.
मुंबई इंडियन्सकडे रायन रिकेल्टन हा रोहितसोबत ओपनर म्हणून एक पर्याय आहे. या 28 वर्षीय दक्षिण आफ्रिकेच्या खेळाडूने अलीकडेच चॅम्पियन्स ट्रॉफी 2025 मध्ये पहिल्याच सामन्यात शानदार शतक झळकावलं होतं. शिवाय त्याने SA20 लीगच्या तिसऱ्या सिझनमध्येही चांगली खेळी केली होती. रिकेल्टनचा सध्याचा फॉर्म खूपच जबरदस्त असून तो मुंबईला वेगवान सुरुवात करून देऊ शकतो.
इंग्लंडचा स्टार ऑलराऊंडर विल जॅक हा आयपीएल 2024 मध्ये आरसीबी टीमचा भाग होता. मात्र या सिझनमध्ये तो मुंबई इंडियन्ससाठी खेळण्यासाठी सज्ज आहे. रोहितचा ओपनर जोडीदार होण्याच्या शर्यतीत जॅकचं नाव आघाडीवर आहे. विलला अनेक मोठ्या T20 लीगमध्ये खेळण्याचा अनुभव आहे. जॅकने या फॉरमॅटमध्ये 5000 हून अधिक रन्स केले आहेत. त्यामुळे विल जॅक्स देखील एक चांगला पर्याय असू शकतो.
युवा विकेटकीपर फलंदाज रॉबिन मिन्झ आयपीएलच्या या सिझनमधये मुंबई इंडियन्स टीमचा एक भाग आहे. गेल्या सिझनमध्ये मात्र अपघातामुळे तो स्पर्धेतून बाहेर पडला होता. मिन्झने देशांतर्गत क्रिकेटमध्ये आक्रमक फलंदाजी केली आहे. हा युवा फलंदाज हार्ड हिटिंगसाठी ओळखला जातो.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.