Ajinkya Rahane: अज्जूला कॅप्टन बनवलं अन् टीम मॅनेजमेंटची डोकेदुखी वाढली; प्रश्न सुटता सुटेना

कोलकाता नाईट रायडर्सने गेल्या वर्षी झालेल्या आयपीएल स्पर्धेत जेतेपदाला गवसणी घातली होती. मात्र ही स्पर्धा झाल्यानंतर केकेआरने कर्णधार श्रेयस अय्यरला संघाबाहेर करण्याचा निर्णय घेतला. त्यामुळे आगामी हंगामासाठी या संघाला नव्या कर्णधाराची गरज होती.

केकेआरने अजिंक्य रहाणेला आपल्या संघात स्थान दिलं आणि संघाचं कर्णधारपदही दिलं. कर्णधारपद मिळाल्यानंतर रहाणेला प्लेइंग ११ मध्ये स्थान मिळणार हे निश्चित आहे, पण तो कितव्या क्रमांकावर खेळणार हे अजूनही कन्फर्म झालेलं नाही.

हे खेळाडू करु शकतात डावाची सुरुवात

माध्यमातील वृत्तानुसार, केकेआरचे सलामीवीर फलंदाज जवळवजळ निश्चित आहे. या संघाकडून सुनील नरेन आणि क्विंटन डी कॉक डावाची सुरुवात करताना दिसून येऊ शकतात. माजी भारतीय फलंदाज आकाश चोप्राच्या मते, ही जोडी डावाची सुरुवात करण्यासाठी परफेक्ट ऑप्शन आहे. तर तिसऱ्या क्रमांकावर वेंकटेश अय्यर परफेक्ट आहे. मग रहाणे कितव्या क्रमांकावर खेळणार?

अजिंक्य रहाणे कितव्या क्रमांकावर खेळणार?

कर्णधारपदाची जबाबदारी सोपवल्यानंतर रहाणे प्लेइंग ११ खेळणार, ही काळ्या डगडावरची रेघ आहे. जर रहाणेला टॉप ऑर्डरमध्ये खेळवायचं असेल, तर केकेआरच्या टॉप ऑर्डरमध्ये बदल करावा लागेल. जर रहाणेला सलामीला फलंदाजीसाठी पाठवायचं असेल, तर सुनील नरेनला थांबवून डी कॉक आणि रहाणेला सलामीला पाठवण्याचा पर्याय उपलब्ध आहे. असं झाल्यास लेफ्टी - रायटी कॉम्बिनेशनचा मार्ग देखील मोकळा होऊ शकतो. तर दुसरा पर्याय असा की, वेंकटेश अय्यरऐवजी रहाणे तिसऱ्या क्रमांकावर फलंदाजीला येऊ शकतो.

रहाणे चौथ्या क्रमांकावर खेळणार?

सलामीला फलंदाजीला येण्यासह रहाणे आणखी एका क्रमांकावर खेळू शकतो. रहाणेला कितव्या क्रमांकावर खेळवायचं? हे केकेआर मॅनेजमेंटसाठी डोकेदुखी असणार आहे. आता रहाणे कितव्या क्रमांकावर खेळणार, हे पाहणं महत्वाचं ठरणार आहे.