Rohit Sharma: रात्रीच्या अंधारात रोहित, तिलक आणि सूर्याने हे काय केलं? Video लीक झाल्याने चाहतेही हैराण

आयपीएल २०२५ मध्ये मुंबई इंडियन्सची सुरुवात फारशी चांगली झाली नाही. यावेळी टीमला पहिल्याच सामन्यात सामना चेन्नई सुपर किंग्जकडून पराभव पत्करावा लागला. आता मुंबई इंडियन्सची टीम दुसऱ्या सामन्यासाठी गुजरातमध्ये आहे. मुंबई इंडियन्स विरूद्ध गुजरात टायटन्स यांच्यातील सामना नरेंद्र मोदी क्रिकेट स्टेडियमवर खेळला जाणार आहे. दरम्यान या सामन्यापूर्वी मुंबईचे खेळाडू मजामस्ती करताना दिसतायत.

गुजरात टायटन्सविरूद्धच्या सामन्यापूर्वी रोहित शर्मा, तिलक वर्मा आणि सूर्यकुमार यादव यांचा एक व्हिडिओ सोशल मीडियावर व्हायरल होतोय. यावेळी तिन्ही खेळाडू एका व्यक्तीला उचलून स्विमिंग पूलमध्ये फेकताना दिसतायत.

रोहित-सूर्याने कोणाला फेकलं स्विमिंग पूलमध्ये?

व्हायरल झालेला व्हिडिओ मुंबई इंडियन्स टीम जिथे सध्या राहतेय त्या हॉटेलचा आहे. व्हिडिओमध्ये रोहित शर्मा, सूर्यकुमार यादव आणि तिलक वर्मा यांच्यासोबत एक गार्ड देखील दिसून येतोय. हे खेळाडू त्या व्यक्तीला उचलून स्विमिंग पूलजवळ आणतात आणि तिथे फेकून देतात. व्हायरल व्हिडिओमध्ये असा दावा केला जातोय की, ज्या व्यक्तीला सर्वजण उचलून पाण्यात फेकतायत तो मुंबई इंडियन्सचा सोशल मीडिया अॅडमीन आहे.

मुंबई अजूनही पहिल्या विजयाच्या प्रतिक्षेत

शनिवारी २९ मार्च रोजी मुंबई इंडियन्सचा सामना गुजरात टायटन्सशी होणार आहे. हा सामना अहमदाबादमधील नरेंद्र मोदी स्टेडियमवर संध्याकाळी ७:३० वाजता खेळवला जाणार आहे. मुंबई इंडियन्सप्रमाणे गुजरात टायटन्सनेही त्यांचा पहिला सामना गमावला आहे. दोन्ही टीममधील हा दुसरा सामना आहे. त्यामुळे दोन्ही टीम्स जिंकण्याचा पूर्ण प्रयत्न करणार आहे.

हार्दिक पंड्याचं होणार कमबॅक

चेन्नई सुपर किंग्ज विरुद्धच्या पहिल्या सामन्यात मुंबई इंडियन्सची फलंदाजी अपयशी ठरली. या सामन्यात हार्दिक पंड्याच्या अनुपस्थितीत सूर्यकुमार यादवने कर्णधारपदाची धुरा सांभाळली होती. या सामन्यात पंड्यावर एका सामन्याची बंदी घालण्यात आली होती. त्यामुळे आता गुजरात विरूद्धच्या सामन्यात हार्दिक पंड्याचं कमबॅक होणार आहे.