नुकतंच देशांतर्गत दुलिप ट्रॉफी २०२४ खेळवण्यात आली. या स्पर्धेमध्ये इंडिया A च्या टीमने बाजी मारली. दरम्यान यंदाच्या या स्पर्धेमध्ये असे अनेक नवखे खेळाडू आहे, ज्यांनी उत्तम कामगिरी केली आहे. त्यामुळे यंदाच्या आयपीएलच्या मेगा ऑक्शनमध्ये काही खेळाडूंवर मोठ्या रकमेची बोली लागण्याची शक्यता आहे.
अंशुल कंबोज आणि आकिब खान यंदाची दुलीप ट्रॉफी 2024 मध्ये चमकदार कामगिरी केली. आकिब हा भारत अ टीमचा भाग होता. तर अंशुल भारत क टीमकडून खेळला. यंदाच्या स्पर्धेमध्ये तो सर्वाधिक विकेट घेणारा गोलंदाज ठरला असून या दोन्ही गोलंदाजांना आयपीएल 2025 मेगा ऑक्शनमध्ये मोठी रक्कम मिळण्याची शक्यता वर्तवण्यात येतेय.
यंदाच्या दुलिप ट्रॉफीमध्ये इंडियाने ए टीमने दुलीप ट्रॉफी 2024 चं विजेतेपद पटकावलंय. यावेळी त्यांनी भारत सी टीमचा 132 रन्सने पराभव केला. अंशुल भारत सी टीमचा भाग आहे. यावेळी तो या स्पर्धेत सर्वाधिक विकेट्स घेणारा गोलंदाज ठरलाय. अंशुलने 3 सामन्यात 16 विकेट घेतल्या. गेल्या ऑक्शनमध्ये त्याला मुंबई इंडियन्सने 20 लाख रुपयांच्या बेस प्राईजवर खरेदी केलं होतं. मात्र यावेळी त्यांना मोठी रक्कम मिळू शकते. यावेळी त्याच्यावर कोणत्या टीमकडून बोली लागणार हे पाहावं लागणार आहे.
आकिब खान भारत ए टीमकडून खेळत होता. त्याने दुलीप ट्रॉफी 2024 च्या 2 सामन्यात 8 विकेट्स घेतल्या होत्या. अजून आकिबने आयपीएलच्या स्पर्धेत डेब्यू केला नाहीये. मात्र त्याचा यंदाच्या स्पर्धेतील खेळ पाहता, त्याला टीम इंडियामध्ये संधी मिळण्याची शक्यता आहे. आकिबने प्रथम श्रेणीत 37 विकेट्स घेतल्या आहेत. तर लिस्ट ए मध्ये 14 विकेट्स घेतल्या आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.