आयपीएल २०२४ स्पर्धेत राजस्थान रॉयल्स संघाने शानदार कामगिरी केली आहे. या संघाला प्लेऑफमध्ये जाण्यासाठी प्रबळ दावेदार मानलं जात आहे. मंगळवारी( ७ मे) झालेल्या सामन्यात राजस्थान रॉयल्स आणि दिल्ली कॅपिटल्स हे दोन्ही संघ आमने सामने आले होते. या सामन्यात राजस्थान रॉयल्स संघाला पराभवाचा सामना करावा लागला आहे. २२२ धावांचा पाठलाग करताना संजू सॅमसनने ८४ धावांची खेळी केली. या खेळीसह त्याच्या नावे एका मोठ्या विक्रमाची नोंद झाली आहे.
दिल्ली कॅपिटल्स संघाला विजय मिळवण्यासाठी २२२ धावांची गरज होती. या धावांचा पाठलाग करताना यशस्वी जयस्वालने ४ धावांची खेळी केली. तिसऱ्या क्रमांकावर फलंदाजी करण्यासाठी आलेल्या संजू सॅमसनने जोस बटलरसोबत मिळून संघाचा गाडा पुढे नेला. त्यानंतर जोस बटलर १९ धावा करत माघारी परतला.
पण संजू सॅमसन काही थांबला नाही. त्याने ४६ चेंडूंचा सामना करत ८६ धावा ठोकल्या. त्याने राजस्थान रॉयल्स संघाला विजयाच्या अगदी जवळ नेलं होतं. मात्र ८६ धावांवर फलंदाजी करत असताना त्याने मोठा फटका खेळण्याचा प्रयत्न केला. या प्रयत्नात तो झेलबाद होऊन माघारी परतला. त्याने आपल्या खेळीदरम्यान ८ चौकार आणि ६ षटकार मारले. यासह त्याने एमएस धोनी,विराट कोहली आणि रोहित शर्माचा रेकॉर्ड मोडून काढला आहे.
या खेळीदरम्यान संजू सॅमसनने आयपीएल स्पर्धेत २०० षटकार मारण्याचा कारनामा केला आहे. असा कारनामा करणारा तो १० वा फलंदाज ठरला आहे. त्याने २०० वा षटकार १५९ व्या इनिंगमध्ये आणि ३०८१ चेंडूंमध्ये मारला आहे. धोनीने हा कारनामा १६५ इनिंगमध्ये आणि ३१२६ चेंडूंमध्ये केला होता. तर रोहितने हा कारनामा १८५ व्या इनिंगमध्ये ३७९८ चेंडू खेळून केला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
