Sandeep Sharma : दिल्ली कॅपिटल्स विरुद्ध राजस्थान रॉयल्स हा सामना दिल्लीतील अरुण जेटली स्टेडियमवर सुरु आहे. या सामन्यात संजू सॅमसनने टॉस जिंकली आणि राजस्थानने प्रथम गोलंदाजी केली. दिल्ली कॅपिटल्सने प्रथम फलंदाजी करताना २० ओव्हर्समध्ये १८८ धावा केल्या. आता राजस्थान रॉयल्ससमोर १८९ धावा करण्याचे आव्हान आहे.
गोलंदाजी करताना जोफ्रा आर्चरने २ विकेट्स घेतल्या. वनिंदू हरसंगा आणि महीशा थीक्षणा यांनी प्रत्येकी १-१ विकेट घेतली. पण आजच्या सामन्यात एकही विकेट घेणाऱ्या संदीप शर्माची सोशल मीडियावर चर्चा होत आहे. संदीप शर्माची चर्चा होतेय, याला कारण आहे, त्याची आजच्या सामन्यातील शेवटची ओव्हर! दिल्ली विरुद्ध राजस्थान सामन्यात शेवटच्या ओव्हरमध्ये गोलंदाजी तब्बल ११ चेंडू फेकले. वाईड, शून्य, वाईड, वाईड, वाईड, २ नॉ बॉल, ४, ६, १, १, २ अशा प्रकारे संदीप शर्माने शेवटच्या ओव्हरमध्ये गोलंदाजी केली. यामुळे त्याच्या नावावर नकोशा विक्रमाची नोंद झाली आहे. आयपीएलच्या इतिहासातील सर्वात लांब ओव्हर टाकणाऱ्या गोलंदाजांमध्ये त्याचे नाव जोडले गेले आहे.
आयपीएलच्या इतिहासातील सर्वात लांब ओव्हर टाकणारे गोलंदाज -
तुषार देशपांडे - ११ चेंडू - विरुद्ध लखनऊ सुपर जायंट्स, २०२३
मोहम्मद सिराज - ११ चेंडू - विरुद्ध मुंबई इंडियन्स, २०२३
शार्दूल ठाकूर - ११ चेंडू - विरुद्ध कोलकाता नाइट रायडर्स, २०२५
संदीप शर्मा - ११ चेंडू - विरुद्ध दिल्ली कॅपिटल्स, २०२५
राजस्थान रॉयल्सची प्लेईंग ११ -
यशस्वी जैस्वाल, संजू सॅमसन (कर्णधार), नितीश राणा, रियान पराग, ध्रुव जुरेल, शिमरोन हेटमायर, वनिंदू हसरंगा, जोफ्रा आर्चर, महीशा थीक्षणा, संदीप शर्मा, तुषार देशपांडे.
दिल्ली कॅपिटल्सची प्लेईंग ११ -
जॅक फ्रेझर-मॅकगर्क, अभिषेक पोरेल, करुण नायर, लोकेश राहुल, अक्षर पटेल (कर्णधार), ट्रिस्टन स्टब्स, आशुतोष शर्मा, विपराज निगम, मिचेल स्टार्क, कुलदीप यादव, मोहित शर्मा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.