दरवर्षी मे महिन्यातील दुसऱ्या रविवारी जगभरात मदर्स डे साजरा केला जातो. मदर्स डे च्या दिवशी सचिन तेंडूलकरने आपल्या आईसोबतचा खास फोटो शेअर केला आहे. सचिनसह रिंकू सिंग, जसप्रीत बुमराहने देखील सोशल मीडियावर आपल्या आईसोबतची खास पोस्ट शेअर केली आहे.
भारतीय संघातील (Team India) वेगवान गोलंदाज जसप्रीत बुमराहने देखील आपल्या आईसोबतचा एक खास फोटो शेअर केला आहे. बुमराह जेव्हा पाच वर्षांचा होता, त्यावेळी त्याच्या वडिलांनी जगाचा निरोप घेतला. तेव्हापासून त्याच्या आईने त्याचा सांभाळ केला. जसप्रीत बुमराह यशस्वी क्रिकेटपटू बनवण्यामागे त्याचा आईचा मोलाचा वाटा आहे.
सचिनला देखील मास्टर ब्लास्टर बनवण्यात त्याच्या आईने मोलाची भूमिका बजावली आहे. त्याची आई रजनी तेंडूलकर या फायनान्समध्ये काम करायच्या. तरीदेखील जेव्हा जेव्हा सचिन खेळायच्या त्यावेळी त्या सपोर्ट करण्यासाठी मैदानावर हजेरी लावायच्या. त्यांनी घर, काम आणि सचिन या तिन्ही गोष्टी व्यवस्थितरित्या हाताळल्या. मदर्स डे च्या दिवशी सचिनने आपल्या आईबद्दलचं मत व्यक्त केलं आहे. (Sachin Tendulkar Mothers Day Special Post)
आगामी टी-२० वर्ल्डकप २०२४ स्पर्धेत जसप्रीत बुमराह (Jasprit Bumrah) भारतीय संघासाठी खेळताना दिसून येणार आहे. ही स्पर्धा अमेरिका आणि वेस्टइंडीजमध्ये पार पडाणार आहे. या स्पर्धेत बुमराहकडून चांगल्या कामगिरीची अपेक्षा असणार आहे. (Jasprit Bumrah Mothers Day Special Post)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.