MI Holi : होळीच्या दिवशी रोहितचा खोडकरपणा; कॅमरामॅनच्या अंगावर मारला पाण्याचा फवारा व्हिडिओ व्हायरल

Rohit Sharma Holi Video :

भारतीय क्रिकेट संघातील सर्वात गंमतीदार खेळाडू कोणी असेल तर म्हणजे रोहित शर्मा. परिस्थिती कशीही असो रोहित शर्मा आपला मजा मस्ती करणं सोडत नाही. आयपीएल २०२४ मध्येही त्यांचा हा स्वभाव सुटलेला नाही. मुंबई इंडियन्सच्या कर्णधारपदावरून हटवण्यात आल्याने रोहित काहीसा नाराज असला तरी तो मजा मस्ती करताना दिसून आला. (Latest News)

मुंबई इंडियन्सच्या संघाने होळी खेळली त्यावेळी रोहितचा गंमतीदार स्वभाव सर्वाच्या चेहऱ्यावर हासू आणणारा आहे. रोहितने उत्साहाने होळी खेळली.रंग लावणाऱ्या सवंगड्यांना आणि पत्रकारांनादेखील त्याने रंग लावला. इतकेच नाही तर त्याने कॅमेरामॅनवर पाईपने पाण्याचा फवारा मारला. सोमवारी २५ मार्च रोजी देशभरात होळीचा सण मोठ्या थाटामाटात साजरा करण्यात आला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

एकमेकांना रंग लावत देशवासियांनी हा सण साजरा केला.आयपीएल खेळणाऱ्या क्रिकेटर्सने सुद्धा होळीचा आनंद लुटला. मुंबई इंडियन्सने माजी कर्णधार रोहित शर्माचाही एक छोटा व्हिडिओ पोस्ट केलाय,या व्हिडिओमध्ये तो पाण्याचा फवारा मारताना दिसत आहे.रोहितच्या चेहऱ्यावर रंग लागलेला दिसत आहे. त्यावेळी त्याने व्हिडीओ बनवणाऱ्या मुंबई इंडियन्सच्या मीडिया टीमच्या सदस्यावरही त्याने पाईपमधून पाण्याचा फवारा माराल, हे पाहून सर्वजण हसू लागले. त्याचा व्हिडिओ पाहून नेटकरी खूश झालेत.

रोहित आणि मुंबई इंडियन्सच नाही तर इतर संघांनीही होळीचा सण साजरी केली. कोलकाता नाईट रायडर्सपासून दिल्ली कॅपिटल्स आणि चेन्नई सुपर किंग्सपर्यंत प्रत्येक फ्रँचायझीने मोठ्या उत्साहात हा सण साजरा केला. जेव्हाही आयपीएलचा हंगामात होळी आली तर भारतीय खेळाडूंसह परदेशी खेळाडूही हा सण साजरा करत असतात.