R Ashwin News: 'माझ्या वडिलांना माफ करा, त्यांना एकटं सोडा..', वडिलांच्या वक्तव्यावर अश्विनचं स्पष्टीकरण

भारताचा स्टार गोलंदाज आर अश्विनने ऑस्ट्रेलियाविरुद्धच्या तिसऱ्या कसोटी सामन्यानंतर आर अश्विनने सर्वांनाच आश्चर्याचा धक्का दिला. अश्विनने पत्रकार परिषदेत, आंतरराष्ट्रीय क्रिकेटमधून निवृत्त होत असल्याची घोषणा केली.

अश्विनच्या निवृत्तीनंतर, त्याच्या वडिलांनी मोठं वक्तव्य केलं होतं. अश्विनने अपमानामुळे निवृ्त्ती जाहीर केल्याचं त्याच्या वडिलांनी सांगितलं. दरम्यान आता अश्विनने याबाबत मोठं वक्तव्य केलं आहे.

अश्विनच्या निवृ्त्तीनंतर त्याच्या वडिलांनी केलेलं हे वक्तव्य तुफान चर्चेत आहे. टीव्ही अँकर आणि सुमंत रमनने अश्विनच्या वडिलांचा व्हिडिओ सोशल मीडियावर शेअर केला. आता यावर अश्विनने आपली प्रतिक्रिया दिली आहे. प्रतिक्रिया देत त्याने स्पष्टीकरणही दिलं आहे.

काय म्हणाला अश्विन?

'माझे वडील हे मीडिया प्रशिक्षिात नाहीत. मी कधीच असा विचार केला नव्हता की, तुम्ही 'वडिलांच्या विधानांच्या परंपरेचे पालन कराल. तुम्ही त्यांना माफ करा आणि त्यांना एकटं सोडा.' अश्विनने ही पोस्ट शेअर करत हसायचे इमोजी देखील शेअर केले आहेत. यावरुन अश्विनचा कुठलाही अपमान न झाल्याचं स्पष्ट होत आहे.

काय म्हणाले होते अश्विनचे वडील?

'अश्विन निवृत्त होतोय, ही बातमी मला शेवटच्या क्षणी मिळाली. त्याच्या मनात नेमकं काय सुरु आहे, हे मला कळालं नव्हतं. त्याने अचानक निवृत्तीचा निर्णय घेतला. मी त्याच्या निर्णयाचा स्विकार केला. त्याने जो निर्णय घेतलाय, त्यामुळे मी आनंदी आहे आणि नाराजही आहे. कारण त्याने खेळणं सुरु ठेवायचं होतं. निवृत्ती घ्यायची हा अश्विनचा निर्णय होता. आणि मी त्यात हस्तक्षेप करणार नाही. मात्र त्याने ज्या पद्धतीने निवृत्ती घेतली आहे, त्यामागे नक्कीच काहीतरी कारण असू शकतं. अपमान हे यामागचं प्रमुख कारण असू शकतं.' असं अश्विनचे वडील म्हणाले.

आर अश्विनच्या हा कसोटी क्रिकेटमधील दिग्गज गोलंदाज आहे. त्याच्या नाव कसोटी क्रिकेटमध्ये ५३७ गडी बाद करण्याची नोंद आहे. कसोटी क्रिकेटमध्ये सर्वाधिक गडी बाद करणाऱ्या गोलंदाजांच्या यादीत चौथ्या स्थानी आहे.