पॅरिस ऑलिम्पिक २०२४ स्पर्धेत भारतीय खेळाडूंनी आतापर्यंत जोरदार कामगिरी केली आहे. आतापर्यंत भारताने ३ कांस्यपदकं पटकावली आहेत. तर काही इव्हेंटमध्ये भारतीय खेळाडू पदकाच्या अगदी जवळ पोहोचले आहेत. दरम्यान भारतीय महिला टेबल टेनिस संघाने पॅरिस ऑलिम्पिक स्पर्धेत इतिहासाला गवसणी घातली आहे. महिला टेबल टेनिस संघातील खेळाडूंनी पहिल्यांदाच ऑलिम्पिक स्पर्धेतील उपांत्यपूर्व फेरीत प्रवेश केला आहे.
यापूर्वी असा कारनामा कुठल्याच भारतीय खेळाडूंना करता आला नव्हता. ही किमया अर्चना कामथ, श्रीजा अकुला आणि मनिका बत्रा यांनी साधली आहे. स्पर्धेतील उप उपांत्यफेरीत रोमामीयाचचा पराभव केला आहे. भारत आणि रोमानीया यांच्यात झालेल्या उप उपांत्यफेरीतील सामन्यात भारतीय संघाने ३-२ ने विजय मिळवला आहे.
या सामन्याबद्दल बोलायचं झालं, तर अर्चना कामथ आणि श्रीजा अकुल यांनी दुहेरीत प्रवेश केला. दुहेरीतील पहिल्या सामन्यात भारतीय जोडीने समारा आणि एडीना या जोडीला ३-० ने धुळ चारली. हा सामना भारतीय जोडीने ११-९,१२-१० आणि ११-७ च्या फरकाने पराभव केला. पुढील सामन्यात मनिकाने बर्नाडेटचा ३-० ने पराभव केला. या सामन्यात मनिकाने ११-५,११-७,११-७ ने पराभव केला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.