![major dhyanchand](http://media.assettype.com/saamtv%2F2023-08%2F1464f1d3-54f6-48d1-844c-1db60c2473f4%2Fmajor_dhyanchand_.jpg?w=480&auto=format%2Ccompress&fit=max)
१५ ऑगस्ट हा भारताचा स्वातंत्र्य दिवस आहे हे सर्वांना माहित आहे. परंतु याच दिवशी घडलेल्या एका घटनेबद्दल ऐकून तुम्हालाही अभिमान वाटेल.
तर हा किस्सा आहे जर्मन हुकूमशहा अॅडॉल्फ हिटलरचा आणि त्याचा गर्व उतरविणाऱ्या आणि भारताला हॉकीमध्ये सुर्वणकाळ दाखविणाऱ्या एका अवलियाचा.
तर १९२८, १९३२ आणि १९३६ अशा लागोपाठ तिन्ही ऑलिम्पिकमध्ये भारताने सुवर्णपदके जिंकली होती. मात्र १९३६ च्या बर्लिन ऑलिम्पिकच्या फायनलमध्ये पोचलेल्या भारताची गाठ घरच्या मैदानावर खेळणाऱ्या जर्मनीशी होती.
या सामन्यासाठी खुद्द जर्मनीचा हुकूमशाह हिटलरदेखील हजर होता. मात्र असे असतानादेखील कोणत्याही दडपणाखाली न खेळता ध्यानचंद यांच्या नेतृत्वाखाली खेळणाऱ्या भारतीय संघाने सुवर्णपदकाला गवसणी घातली.
मेजर ध्यानचंद यांचा खेळ पाहून हिटलरला खुप आनंद झाला होता. हिटलरची अशी इच्छा होती की, मेजर ध्यानचंद यांनी जर्मनीच्या लष्करात भरती व्हावे.
सुवर्णपदक जिंकल्यानंतर हिटलरने मेजर ध्यानचंद यांना जर्मनीच्या नागरिकत्वाची ऑफर देखील दिली होती. मात्र भारतासाठी खेळणाऱ्या मेजर ध्यानचंद यांनी या हिटलरला थेट नकार दिला होता.
भारतीय लष्करात लान्स नायक या कनिष्ठ पदावर असणाऱ्या ध्यानचंद यांनी हिटलरची जर्मनीच्या सैन्यदलात कर्नलपदाची ऑफर धुडकावली होती. मात्र अशा या हॉकीच्या जादूगाराला आजपर्यंत भारतरत्न मिळाला नाही आहे. (Latest sports updates)
मेजर ध्यानचंद यांना हॉकीचे जादूगार का म्हटले जायचे?
मेजर ध्यानचंद यांचा खेळ इतका अप्रतिम होता की, जसे क्रिकेटपटू फलंदाजी करताना धावांचा पाऊस पाडतात त्याचप्रमाणे मेजर ध्यानचंद एकापाठोपाठ गोल करायचे. त्यांचा खेळ पाहून सर्वच चक्रावून गेले होते.
अनेकांना असं वाटू लागलं होतं की, त्यांच्या हॉकी स्टिकमध्ये चुंबक आहे. त्यामुळे नेदरलँडमध्ये त्यच्या स्टिकची चौकशी देखील करण्यात आली होती.
पण चौकशीनंतर त्यांच्या स्टिकमध्ये कुठलंही चुंबक नसल्याचं समोर आलं होतं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.