भारत-पाकिस्तान सामन्याची कोट्यवधी क्रिकेट चाहते आतुरतेने वाट पाहत असतात. हे दोन्ही संघ द्विपक्षीय मालिका खेळत नाही. त्यामुळे दोन्ही संघ केवळ आयसीसीच्या स्पर्धांमध्ये आमनेसामने येत असतात. दोन्ही संघांमध्ये होणारा सामना हा क्रिकेटमधील महायुद्धापेक्षा कमी नसतो. त्यामुळे दोन्ही संघातील खेळाडू जिंकण्यासाठी पूर्ण जोर लावतात.
न्यूयॉर्कच्या नासाऊ काऊंटी क्रिकेट स्टेडियमवरही असाच काहीसा सामना पाहायला मिळाला. या सामन्यात पाकिस्तानला पराभवाचा सामना करावा लागला. दरम्यान या सामन्यातील पराभवानंतर नसीम शाहला अश्रू अनावर झाल्याचे पाहायला मिळाले आहे.
पाकिस्तानचा वेगवान गोलंदाज नसीम शाह जेव्हा फलंदाजीला आला, त्यावेळी त्याला ३ चेंडूत १६ धावा करायच्या होत्या. जे त्याच्यासाठी जवळजवळ कठीण होतं. त्याने सलग २ चेंडूंमध्ये २ चौकार मारले. मात्र शेवटच्या चेंडूवर भारतीय संघाचा विजय निश्चित झाला होता. शेवटच्या चेंडूवर ८ धावांची गरज असताना अर्शदीप सिंगने यॉर्कर टाकला आणि भारतीय संघाला विजय मिळवून दिला. दरम्यान पराभूत झाल्यानंतर मैदानाबाहेर जात असताना नसीम शाह रडताना दिसून आला आहे. शाहीन शाह आफ्रिदी त्याचे अश्रू पुसून त्याला धीर देताना दिसून येत आहे. हा व्हिडिओ सध्या सोशल मीडियावर जोरदार व्हायरल होत आहे.
या सामन्यात पाकिस्तानने नाणेफेक जिंकून प्रथम गोलंदाजी करण्याचा निर्णय घेतला होता. हा निर्णय सार्थ ठरवत पाकिस्तानच्या गोलंदाजांनी भारतीय फलंदाजांच्या अडचणी वाढवत संपूर्ण डाव अवघ्या ११९ धावांवर संपुष्ठात आणला.
पाकिस्तानकडून गोलंदाजी करताना नसीम शाहने ४ षटकात ५.२५ च्या इकोनॉमीने २१ धावा खर्च केल्या. यादरम्यान त्याने ३ भारतीय फलंदाजांना पॅव्हेलियनची वाट दाखवली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.