आयपीएल 2026 च्या प्लेऑफची शर्यत आता अतिशय रोमांचक टप्प्यात पोहोचली आहे. लीग फेरीतील अवघे 12 सामने बाकी असताना काही टीम्सचं भविष्य जवळपास स्पष्ट झालंय. तर काही टीम अजूनही दुसऱ्यांच्या आशेवर टिकून आहेत. प्रत्येक सामन्यानंतर पॉईंट्स टेबलचं चित्र बदलत असल्यामुळे चाहत्यांची उत्सुकता वाढली आहे.
दरम्यान, लखनऊ आणि मुंबई इंडियन्स यांचं प्लेऑफमधील आव्हान जवळपास संपुष्टात आलंय. दुसरीकडे गुजरात टायटन्स आणि रॉयल चॅलेंजर्स बंगळूरू यांनी जवळपास प्लेऑफचं तिकीट निश्चित केलंय. गुजरातकडे पॉईंट्स टेबलच्या टॉप ४ मध्ये टॉप चारमध्ये राहण्याची तब्बल 99.9 टक्के शक्यता आहे. इतकंच नाही तर पहिल्या दोन स्थानांमध्ये राहण्याची त्यांची शक्यता 79.1 टक्के आहे.
आरसीबीचंही चित्र जवळपास तसंच आहे. बंगळुरू संघाला टॉप-4 मध्ये स्थान मिळण्याची 99.3 टक्के शक्यता आहे, तर पहिल्या दोन संघांमध्ये राहण्याची त्यांची शक्यता 81.9 टक्क्यांपर्यंत पोहोचली आहे.
सनरायझर्स हैदराबाद टीमनेही दमदार कामगिरी केलीये. त्यांना प्लेऑफमध्ये पोहोचण्याची 79.7 टक्के शक्यता वर्तवण्यात आली आहे. तर टॉप-2 मध्ये पोहोचण्याची त्यांची शक्यता 36 टक्के आहे.
पंजाब किंग्ससाठी गुरुवारी झालेला पराभव मोठा धक्का ठरला. मुंबई इंडियन्स विरुद्धच्या पराभवानंतर पंजाबच्या प्लेऑफच्या शक्यता कमी झाल्या आहेत. आता त्यांच्याकडे टॉप-4 मध्ये पोहोचण्याची फक्त 43.8 टक्के शक्यता उरलीये.
चेन्नई सुपर किंग्ज अजूनही स्पर्धेत मजबूतपणे टिकून आहे. चेन्नईला टॉप-4 मध्ये पोहोचण्याची 56.3 टक्के शक्यता आहे. तर टॉप २ मध्ये पोहोचण्याची त्यांची शक्यता 22.2 टक्के इतकीच आहे.
राजस्थान रॉयल्स कडेही चांगली संधी आहे. राजस्थानला प्लेऑफमध्ये पोहोचण्याची 57 टक्के शक्यता आहे, तर टॉप-2 मध्ये स्थान मिळवण्याची शक्यता 17.9 टक्के आहे.
कोलकात्यासाठी मात्र परिस्थिती अत्यंत कठीण झाली आहे. कोलकात्याला टॉप ४ मध्ये पोहोचण्याची शक्यता केवळ 3.7 टक्के राहिली आहे. विशेष म्हणजे आता ते पॉईंट्स टेबलच्या पहिल्या दोन स्थानांसाठी स्पर्धा करू शकत नाहीत.
दिल्ली कॅपिट्ल्सची अवस्था देखील फारशी चांगली नाही. दिल्लीच्या प्लेऑफच्या आशा आता फक्त 4.2 टक्क्यांवर येऊन ठेपल्या आहेत. ते जास्तीत जास्त चौथ्या स्थानासाठी स्पर्धा करू शकतात.
या सर्व शक्यता कशा ठरवल्या गेल्या याकडे पाहिल्यास, अजून 12 सामने बाकी असल्यामुळे एकूण 4,096 वेगवेगळे निकाल शक्य आहेत. प्रत्येक संघ किती वेळा टॉप-4 किंवा टॉप-2 मध्ये पोहोचतो याचा अभ्यास करून ही टक्केवारी काढण्यात आली आहे.
एकूणच, आयपीएलच्या प्लेऑफची लढत आता अत्यंत रोमांचक बनली असून पुढील काही सामने अनेक टीमचं भवितव्य ठरवणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.