IND vs AUS: हेड - सिराज प्रकरण पेटलं! ICC कारवाई करणार; पण नेमकी कुणावर?

भारत आणि ऑस्ट्रेलिया यांच्यातील ५ कसोटी सामन्यांच्या मालिकेतील तिसरा कसोटी सामना ब्रिसबेनच्या मैदानावर रंगणार आहे. या मालिकेतील दुसऱ्या सामन्यात मोहम्मद सिराज आणि ट्रेविस हेड दोघेही आमनेसामने आले होते. या सामन्यात ऑस्ट्रेलियाने भारताला पराभूत करुन मालिका १-१ ने बरोबरीत आणली आहे. दरम्यान या दोघांमध्ये झालेला वादाचा भडका आता ऊडू लागला आहे.

नेमकं काय घडलं?

भारत आणि ऑस्ट्रेलिया यांच्यातील दुसरा कसोटी सामना सुरु असताना, ऑस्ट्रेलियाची फलंदाजी सुरु असताना मोहम्मद सिराज ८२ वे षटक टाकण्यासाठी गोलंदाजीला आला. ट्रेविस हेड १४० धावांवर फलंदाजी करत होता.

त्यावेळी सिराजने त्याला क्लिन बोल्ड केलं. बाद होताच हेड काहीतरी म्हणाला, त्यानंतर सिराजनेही त्याला रागात बाहेर जाण्याचा इशारा केला. या कृत्यामुळे ऑस्ट्रेलियाच्या फॅन्सने सिराजला बुईंग केलं.

आयसीसी कारवाई करणार?

अॅडलेड कसोटीतील या घटनेवर आयसीसी प्रकाश टाकणार असल्याचा उल्लेख द डेली टेलिग्राफच्या रिपोर्टमध्ये करण्यात आला आहे. आयसीसी दोघांवरही कारवाई करणार असल्याचं म्हटलं जात आहे.

मात्र क्रिकेट एक्स्पर्ट्सने दिलेल्या माहितीनुसार, अशा प्रकारच्या घटना क्रिकेटमध्ये होत राहतात. त्यामुळे निलंबन केलं जाणार नाही. शिक्षा मिळू शकते, पण ती फार मोठी नसेल.

या घटनेनंतर दोघांनीही स्पष्टीकरण दिलं होतं. हेडने पत्रकार परिषदेत बोलताना म्हटले की, त्याने सिराजला वेल बॉल असं म्हटलं होतं. तर सिराज म्हणाला की, हेड असं काहीच म्हणाला नव्हता.

भारताचा पराभव

या सामन्याबद्दल बोलायचं झालं, तर भारतीय संघाला या सामन्यात पराभवाचा सामना करावा लागला आहे. या सामन्यात भारतीय संघाने नाणेफेक जिंकून प्रथम फलंदाजीचा निर्णय घेतला होता.

प्रथम फलंदाजी करताना, भारतीय संघाचा डाव १८० धावांवर आटोपला होता. या धावांचा पाठलाग करण्यासाठी आलेल्या ऑस्ट्रेलियाने ३३७ धावा करत मोठी आघाडी घेतली. त्यानंतर भारताला दुसऱ्या डावात १७५ धावा करता आल्या. ऑस्ट्रेलियाला जिंकण्यासाठी १९ धावा करायच्या होत्या.