अॅडिलेडच्या मैदानावर भारत आणि ऑस्ट्रेलिया यांच्यातील दुसऱ्या कसोटी सामन्याचा थरार सुरु आहे. या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला.
भारतीय संघाला प्रथम फलंदाजी करताना १८० धावा करता आल्या. या धावांचा पाठलाग करताना, ऑस्ट्रेलियाने मोठी आघाडी घेतली आहे.
ऑस्ट्रेलियाकडून फलंदाजी करताना ट्रेविस हेड चांगलाच सेट झाला होता. त्याला मिचेल मार्शने चांगली साथ दिली. मात्र मिचेल मार्श विकेट फेकून माघारी परतला. मिचेल मार्श २६ चेंडूंचा सामना करुन ९ धावा करुन माघारी परतला.
मिचेल मार्श या डावात आऊट नव्हताच, मात्र त्याने स्वत:च पॅव्हेलियनची वाट धरली. नेमकं काय घडलं? जाणून घ्या.
तर झाले असे की, ६४ वे षटक टाकण्यासाठी आर अश्विन गोलंदाजीला आला. या षटकातील चौथा चेंडू अश्विनने भारीच टाकला. टप्पा पडताच हा चेंडू थोडा फिरला आणि यष्टीरक्षक रिषभ पंतच्या हातात गेला.
मार्शने हा चेंडू डिफेन्स करण्याचा प्रयत्न केला होता, मात्र त्याला शॉट खेळण्यास थोडा उशीर झाला. चेंडू हातात जाताच रिषभ पंतने अपील केली, अश्विन अपील करण्यासाठी मागे वळणार, इतक्यात मार्शने पॅव्हेलियनची वाट धरली.
मार्श स्वत: जायला निघाला, त्यामुळे अंपायरनेही त्याला बाद घोषित केलं. जेव्हा अंपायरने त्याला बाद घोषित केलं, त्यावेळी अश्विनलाही धक्का बसला. अश्विनची रिअॅक्शन पाहण्यासारखी होती.
ज्यावेळी स्निको मीटरमध्ये पाहिलं गेलं, त्यावेळी बॅट आणि बॉलचा कुठलाही संपर्क न झाल्याचं दिसून आलं. अश्विनलाही माहित होतं की, चेंडू त्याच्या बॅटला लागून गेलेला नाही. त्यामुळे अंपायरने त्याला बाद घोषित केल्यानंतर, अश्विनने शॉकिंग रिअॅक्शन दिली. ड्रेसिंग रुममध्ये गेल्यानंतर, नक्कीच त्याला पश्चाताप झाला असेल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.